४) कार्यक्षेत्र
औद्योगिक नीति , २०४९ ले नेपालमा औद्योगिकरणको गतिलाई तीव्रता ल्याउन घरेलु तथा साना उद्योगको विकासलाई उच्च प्राथमिकता दिएको छ । सरकारले अंगिकार गरेको औद्योगिक नीतिको कार्यान्वयनका लागि उपयुक्त औद्योगिक वातावरणको सिर्जना गर्न औद्योगिक व्यवसाय ऐन , २०४९ कार्यान्वयनमा रहेको छ । औद्योगिक नीतिले अंगिकार गरेको तथा औद्योगिक व्यवसाय ऐनद्वारा व्यवस्थित घरेलु तथा साना उद्योग सम्वन्धी कार्यहरु संचालन गर्ने जिम्मा उद्योग , वाणिज्य तथा आपू र्ति मन्त्रालय अन्तरगतको घरेलु तथा साना उद्योग विभागले निर्वाह गर्दै आएको छ । घरेलु तथा साना उद्योग विभागको साविक संगठन संरचनामा समसामयिक परिवर्तन हुदै मौजुदा स्वरुप कायम रहेको छ । घरेलु तथा साना उद्योग विभागले अधिराज्यको ७५ जिल्लामा घरेलु तथा साना उद्योग प्रशासन सम्वन्धी कार्य र अधिराज्यका २७ जिल्लामा घरेलु तथा साना उद्योग प्रवर्द्धन सम्वन्धी कार्यहरु समेत गर्ने गरी कार्य क्षेत्र तोकिएको छ
५) मुख्य मुख्य कार्यहरु
१. प्रचलित ऐन , नियम अनुसार इजाजत लिनु पर्ने वा नपर्ने उद्योगहरुको वर्गीकरण गर्ने , र् इजाजत सम्वन्धी कार्यहरु गर्ने , उद्योग दर्ताको लागि आवश्यक प्रक्रियाहरु निर्धारण गर्ने तथा घरेलु तथा साना उद्योगहरुको दर्ता , नविकरण , पूँजी तथा क्षमता वृद्धि , ठाँउसारी , नामसारी गर्ने ।
२. उद्योगहरुलाई नियमानुसार सुविधा उपलव्ध गराउने ।
३. उद्योगहरुको सम्भाव्यता अध्ययन , औद्यागिक उत्पादनको गुणस्तर कायम तथा प्रचलित नियमानुसार उद्योगहरु संचालन भए नभएको सम्वन्धमा निरीक्षण गरी आवश्यक कारवाही गर्ने ।
४. औद्योगिक जनशक्ति उत्पादन र रोजगारी सिर्जना गर्न सीप विकास , व्यवसाय विकास तथा व्यवस्थापन तालीम संचालन गर्ने ।
५. व्यवसाय विकास तथा सीप विकास तालीम प्राप्त व्यक्तिलाई लद्यु कर्जा उपलव्ध गराउने ।
६. प्राविधिक परामर्श सेवा / प्रविधि विकास तथा हस्तान्तरण , औद्योगिक सूचना उपलव्ध गराउनका साथै औद्योगिक प्रर्वद्धन सम्वन्धी कार्य गर्ने ।
७. कार्यक्रम प्रस्तावहरु स्वीकृत नीति र प्राथमिकता अनुरुप भए नभएको विश्लेषण गरी मस्यौदा तयार गर्ने।कार्यक्रम कार्यान्वयन , अनुगमन र मूल्यांङ्कन सम्वन्धी कार्य गर्ने । |
