स्वागतम्
घरेलु तथा साना उद्योग विभागको वेभसाइटमा तपाईलाई हार्दिक स्वागत गर्दछु
वि . सं . १९९६ मा नेपाली कपडा र घरेलु इलम प्रचार अड्डाको रुपमा शुरु भै २०३० सालमा घरेलु तथा साना उद्योग विभागको स्थापना भएको हो ।
रोजगारी र स्वरोजगारीको लागि आवश्यक सीप , उद्यमशीलता तथा व्यबस्थापकीय प्रशिक्षण दिई आय - आर्जन गर्न सक्ने बनाई स्वावलम्बी बनाउने र वेरोजगारीलाई रोजगारी मात्र होइन स्वरोजगारी श्रृजना गरी अन्य बेरोजगारहरुलाई समेत रोजगारी दिलाउन (Job-seeker to job-creator) सक्ने बनाउने हाम्रो दुर दृष्टि (Vision) हो । बेरोजगारी न्यूनीकरण गर्ने राष्ट्रिय अभियानमा सघाऊ पुर् याउन हामी प्रयत्नरत छौं ।
घरेलु उद्योगहरु र स्थिर पूँजी ३ करोड सम्म भएका साना उद्योगहको प्रशासनको कार्यहरु पनि यस विभागबाट हुन्छ । घरेलु उद्योगहरु तथा साना उद्योगहरुको सर्म्बर्द्धन र विकासमा यो विभाग कार्यरत छ । साथै नेपालीको चिनारीको रुपमा रहेको हस्तकलाहरुको प्रवर्दन र विकास कार्यमा पनि यस विभाग प्रयासरत छ ।
विभाग अर्न्तर्गतका केन्द्रिय तथा फिल्ड स्तरीय कार्यालयहरुबाट विभिन्न विषयमा सीप विकास तालीम प्राप्त प्रशिक्षार्थीहरुलाई तालीम पश्चात आयमुलक कार्यहरु संचालनका लागि आवश्यक पर्ने कर्जा उपलब्ध गराउन " घरेलु तथा साना उद्योग कर्जा प्रवाह कोष " स्थापना गरिएको छ । भने घरेलु तथा साना उद्योग व्यवसायीहरुलाई प्रविधि सेवा , क्षमता विकास , बजार पँहुच र अन्य पर्वाधारमा संस्थागत टेवा पुर् याउन " लघु , घरेलु तथा साना उद्योग विकास कोषको " स्थापना भै उद्योग व्यावसायको विकास तथा विविधिकरणका लागि विविध कार्यक्रमहरु मार्फ त सहयोग गर्दै आएका छौं ।
यसैगरी नविनतम सोच , सृजना एवं क्षमता भएका ब्यक्तिहरुलाई आवश्यक पर्ने सेवा सुविधा प्रदान गरी सफल उद्यमी / ब्यसायीको रुपमा रुपान्तरण गर्न " व्यवसायिक सर्म्बर्द्धन केन्द्र" को स्थापना भै कार्यारम्भ समेत गरिएको छ ।
यस वेभसाइटमा नेपालमा घरेलु , साना एवं अन्य उद्योग स्थापना गर्दा अपनाउनु पर्ने सम्प ूर्ण कानूनी तथा प्रकृयागत विधि उल्लेख गरिएको छ । उद्योग क्षेत्रसंग सम्बन्धित हाम्रो गतिविधि पनि यसमा समावेश गरिएको छ ।
आशा छ , उद्योग प्रति जिज्ञासु एवं सरोकार सबैलाई यस वेभसाइट लाभकारी सिद्ध हुनेछ ।
महा-निर्देशक |
